現年29歲、前台灣偶像組合Lollipop成員邱勝翊（王子）早前與比佢年長5年嘅鄧麗欣（Stephy）分別認愛，其後王子秘密來港，更指佢見家長好事近。
今日王子喺台灣出席街舞大賽決賽評審，被問到係咪真係好事近？王子笑言：「太快了吧！我才18歲！」問到佢最欣賞女友Stephy啲咩，先係話「很多耶，有蠻多欣賞的地方，她很會替別人著想。」係喎，Stephy大過王子五年，咁呢個「姐姐」係咪都會照顧佢起居生活？王子笑道：「不用照顧我，感覺我很不行一樣。」又讚Stephy「很貼心」，仲話同女友溝通「無礙無礙」。
傳媒即追問：「那有愛嗎？」王子秒答：「有愛啊！」王子又話，今次公開認愛，其實心情輕鬆，佢話：「這很輕鬆、很自然，畢竟也都出道這麼久，大家都是成熟的大人，這件事是雙方經過溝通、討論，彼此都很尊重對方。」台灣興慶祝「七夕」，王子話暫時未定點同Stephy慶祝共度，甚至可能要開工。
(蘋果日報)
