噚晚係火星大衝加月全蝕，唔少市民都有去睇下呢個難得一見嘅現象，鍾欣潼（阿嬌）都有趁呢個熱鬧，不過就發生咗啲小意外喇。
噚晚阿嬌就去咗睇火星大衝加月全蝕，仲貼咗相上IG，不過除咗月蝕嘅相，仲有一張佢受傷嘅相，阿嬌仲話：「人影我又影，點解我咁『論盡』，雖然有啲嚇人同血肉模糊，但係唔post又感覺對唔住自己。」
仲hash tag咗 「#用生命去影月全蝕 」「#只怪自己對宇宙嘅所有事物太感興趣」。此po一出唔少網民都留言關心阿嬌，但就唔見佢老公賴弘國留言，不過老公嘅關心，又使乜喺IG表現出嚟吖。
(蘋果日報)
