笑言不知道要玩新郎：「玩抽卡，3、4個人做瑜伽pose，我啲兄弟隊我出去，好彩我啲骨頭未硬。」問到有何愛的宣言？他說：「有情深剖白，我會將所有錢畀晒佢！（講到想喊？）我見到老婆想喊。」
DJ及歌手啤梨（葉文輝）與圈外女友Michelle去年底簽字結婚，今日（28日）在尖沙咀的酒店舉行結婚雞尾酒會及晚宴，科林及彭懷安（Eddie）等擔任兄弟，大批藝人朋友到場祝賀。提到今早接新娘，啤梨笑言不知道要玩新郎：「玩抽卡，3、4個人做瑜伽pose，我啲兄弟隊我出去，好彩我啲骨頭未硬。」問到有何愛的宣言？他說：「有情深剖白，我會將所有錢畀晒佢！（講到想喊？）我見到老婆想喊。」Michelle直言又感動又開心，啤梨續說：「我嘅人生只有Michelle，好多謝佢交人生畀我，我會用最大力量對佢好！」
興奮咀5次
一對新人蹺手現身，應傳媒要求咀足5次，又大騷婚戒。身穿黑色婚紗、谷胸上陣的Michelle表示喜歡黑金主題及這位設計師，而啤梨表示很開心：「終於擺酒喇，上年差唔多呢個時候求婚，依家一周年喇！原來訂酒席要成年，今次請咗好多朋友、同事同屋企人嚟分享喜悅。」
(on.cc東網)
