Reina返到屋企再上載兩個女「黑臉」合照，留言：「陸生唔知幾時答應啲囡。。。呢個表情係我對你哋三父女做先啱！」
藝人陸永兩個女唔只唔怕昆蟲，仲好鍾意添，大女Hannah仲話自己男朋友係千足蟲！呢日陸永嫂Reina就喺Instagram上載幾條片，見到兩個女對住啲甲蟲難掩喜悅，起勢咁摸，High到跳晒舞！
不過有人歡喜有人愁，Reina就似乎唔係好鍾意，陸永仲「靜雞雞」應承啲女畀佢哋養，搞到老婆話想搵屋搬添呀！
Reina返到屋企再上載兩個女「黑臉」合照，留言：「陸生唔知幾時答應啲囡（女），畀佢哋養甲蟲…今日果真帶咗兩隻揪形蟲返嚟養…呢個表情係我對你哋三父女做先啱！#如果話要養蜥蝪（蜴）我就要搵屋搬」
網民就叫佢忍耐吓，仲笑言「好彩佢哋唔係話要養阿強（曱甴）」，不過相信Reina都係講笑，咁錫兩個女點捨得走呀！
(on.cc東網)
