蔡卓妍（Sa）今日到九龍塘又一城出席宣傳活動，兩人活動上大談自己心目嘅「最佳旅行腳」。
阿Sa話自己心目中最好旅行腳係容祖兒，咁點解唔係阿嬌？
（資料圖片）
（資料圖片）
佢話：「阿嬌比較麻煩，佢唔係太曬得太陽，但我就鍾意陽光與海灘多啲，所以揀祖兒，因為祖兒乜嘢都好。」
阿Sa可能驚阿嬌嬲嬲，於是再解釋番：「其實阿嬌都OK嘅，不過揀地方難啲，因為佢唔鍾意曬。」
訪問期間，問番阿Sa點解最佳旅行腳係祖兒而唔係男朋友Anthony？佢諗咗陣，然後話：「我唔好意思講。」
阿Sa又話：「其實好多人都同我夾得到嘅，因為我一聽到朋友嗌去旅行我就會join，我好百搭㗎！」此時林海峰搭嗲：「係呀，好百搭，但梗局就得一個。」
至於日前阿嬌嘅未婚夫賴弘國嘅前妻，喺網上發長文，林海峰聽後插口話︰「日日都有人喺網上寫嘢。」阿Sa話︰「佢哋好開心呀！前兩日阿嬌請晒成班劇組食糖水，佢好甜呀。」阿嬌12月婚禮籌備如何，阿Sa話︰「唔講得，見到佢你哋問佢啦！」
（apple daily）
