今日薛家燕接受傳媒訪問，獲悉他病逝感愕然，她說：「聽到真係好唔安落，好難過，我會打電話俾佢個女，希望佢哋節哀。」家燕姐還說：「我哋舊年合作拍特輯，嗰陣去咗佢鄉下間祖屋拍攝，佢真係好客氣，準備咗好多嘢食招待我哋，好似煲定粥，預備好多好靚嘅油炸鬼！」
曆法大師蔡伯勵今晨在跑馬地養和醫院病逝，享年96歲。薛家燕去年曾與蔡伯勵主持賀年節目。
家燕姐還說：「一個長者老人家，個頭腦仲係咁靈活，基本上問乜都即刻答到，當時好健康，我都有問吓佢我幾時可以退休，點知佢話我應該有排忙，因為嗰陣做緊節目，所以咪話將來坐低再傾，又話叫廚師準備好啲地道順德餸招呼我哋，但係大家一路好忙冇乜時間，而且佢又成日唔喺香港。」
家燕姐的兒子結婚的大日子，原來都是蔡伯勵幫手，她說：「嗰陣係佢主動幫手，你知佢擇日子最叻，佢叫個女寫低晒啲時辰八字，仲問埋前夫，好仔細、好細心！」
家燕姐兒子婚禮 （資料圖片）
另一個有份主持《新春開運王》的莊思敏，今日接受傳媒電話訪問。
莊思敏 （資料圖片）
她感到惋惜並說︰「收到呢個消息都好唔開心，我哋嗰時上去蔡伯伯屋企拍節目時，佢都好好精神，不過可能年紀大，見佢容易攰。」莊思敏表示好欣賞對方博學多才，她說︰「蔡伯伯知識廣博，天文術數好精通，好似佢寫通勝，以前冇電腦，要靠算盤、觀星，同埋自己功力，去計算出嚟，佢對歷史都好有研究，係一位好值得敬佩嘅老人家。」
（綜合報道 / apple daily）
