「跳水皇后」郭晶晶雖然嫁入霍家豪門，並為老公霍啟剛誕下一仔一女，但係晶晶一啲闊太嘅氣焰都冇，行街都唔係去名店而係去平民店執平嘢，打扮都非常撲實。
一向出名孝順嘅佢最近帶埋老公霍啟剛仔仔霍中曦返咗娘家河北保定探父母親友，除了探父母外，原來係有任務在身，就係返母校參觀及探師弟師妹，見一家三口都跟足內地學生傳統戴上紅領巾跟老師及小學生合照，非常親民，而網上流傳的照片，見晶晶肚凸凸，唔知係肥咗定又有咗呢？
然後，晶晶又到保定的低碳公園遊覽，更被網友認出邀請合照，照片所見，素顏的晶晶打扮十分撲素，更用髮夾將髮蔭夾起，十分隨意。
(on.cc東網)
