早前藝人鄧麗欣（Stephy）和台灣偶像藝人邱勝翊（王子）大方認愛，Stephy有愛情嘅滋潤，成個人都特別風騷！
昨日Stephy就喺自己嘅社交網上載咗一張紐約街景相，並留言：「天大地大 人來人往 彼此 走上了同一條道路上 不早不晚 不慌不忙 就在我抬頭的一剎那。」意之所指似乎係話自己喺對的時間遇到對的人。
細心留意張相，Stephy所影嘅街道名就正正係Prince（王子），即係男友嘅名。
雖然好多粉絲都畀Stephy高調晒恩愛閃親，不過大家都好戥Stephy高興，並紛紛留言送上祝福。
而另一邊廂Stephy嘅新男友王子亦喺佢自己嘅社交網甫咗一張半裸晒肌相，網民除咗大讚佢身形靚爆之外，仲有人搞笑留言話佢已經有女朋友，唔好咁暴露呀！
(on.cc東網)
