藝人胡杏兒同老公李乘德（Philip）結婚後相當恩愛，不過日前Philip就因為一張相，而畀網友指佢花心，更重提佢當年嘅緋聞情史。
事源藝人彭慧中（Phoebe）早幾日搞咗個生日派對，唔少圈中人好似莊思明、莊思敏等都有現身，而Philip當晚都有出席，佢仲同壽星女以及幾位現場嘅女賓客影合照兼上載到社交網，並留言祝Phoebe生日快樂。
點知就有網民惡意留言：「甘多辣妹，花心老毛病又犯？」即刻令Philip嬲爆，仲霸氣回應：「這句說話不但無知，也是貶值我的朋友，貶值女士，和貶值你自己。真的可惜」
唔少網民都力撐Philip，就連老婆杏兒都有留言指自己好可惜冇出席到當晚嘅派對，以實際行動支持老公。
(on.cc東網)
