佗B七個月，問到BB性別？本想保持神祕的他不小心露口風：「過多兩個月就知，有男有女。（龍鳳胎？咁應該係掛住三個人。）又畀你哋陰到。。。」
前亞視高層盛品儒（James）現身書展，他透露懷孕七個月的太太蔡一鳳仍身在倫敦修讀設計，過兩天便會返港，提到早前太太在當地遇上火警，他坦言擔心：「我都有即時問佢，好在只係虛驚一場，係隔籬單位有小火。」
盛品儒已經和太太有兩星期沒見面，很想念太太跟BB。問到BB性別？本想保持神祕的他不小心露口風：「過多兩個月就知，有男有女。（龍鳳胎？咁應該係掛住三個人。）又畀你哋陰到。（一胎就可以收工？）唔係，遲啲如果經濟許可咪再生，我都係打工啫。（有家族遺傳生孖B定係人工受孕？）唔係人工，唔需要，我唔知係咪遺傳，不過我阿爺好生得，可能隔代遺傳。」
不過說完James又改口風：「我冇認係龍鳳胎，到時大家就知，當住一個先，有多一個就係Bonus，可龍可鳳。（買咗BB衫未？）買晒。（咩顏色？）咩色都有，男仔都可以着粉紅色。」他表示太太預產期在10月，她由敦倫回港後便停止到外地工作，會安心養胎。
(on.cc東網)
