甘比：「佢好好，即刻幫我轉，同埋同Sammi傾開，先發現佢幾年前已經登記咗，好多謝佢！希望能將愛心一直傳頌出去！」
劉鑾雄近年公佈共捐咗約40億俾自己個慈善基金會，而基金會事務全部由劉太甘比負責，噚日係大劉67歲生日，甘比就喺呢個特別日子，簽咗器官捐贈卡，即係同意死後捐出器官幫助有需要嘅病人。
佢噚日仲專登喺Ig上載一張正簽名答應捐贈器官嘅照片，留言講：「香港的人口約740萬；中央器官捐贈登記名冊只有約28萬人；而現時在香港有超過2千名病人在輪候器官移植；所以希望大家能將愛心傳頌開去，如果有意於身故後捐贈器官人士可於衞生署設立的『中央器官捐贈登記名冊』自行登記，亦同時向家人或朋友表明意願。」
今日甘比同《蘋果》講：「其實今次為器官捐贈機構宣傳，係因為呢個機構係由我嘅醫生好朋友創辦，香港700幾萬人，但只有28萬人登記願意死後捐贈器官，依家仲有2千人輪候器官等候延續生命，所以希望身體力行帶動一下，提供一啲資訊畀大家。或者我可以咁講，我個人對器官捐贈感受比較深，因為我老公亦係因為有咗換腎嘅機會，才得以延續生命，所以我好希望大家放下傳統嘅觀念，思考一下死後可否捐贈器官。
(ig圖片)
甘比喺IG tag咗老友Sammi叫佢幫手轉發，甘比話：「佢好好，即刻幫我轉，同埋同Sammi傾開，先發現佢幾年前已經登記咗器官捐贈，好多謝佢！希望能將愛心一直傳頌出去！」做啲正能量嘅事抵讚，當街同人嗌交嘅事最好唔好再發生啦！
Sammi 原來幾年前已經簽咗器官捐贈喇！
(apple daily)
