葉家寶今日邀得蔡國威、鄭伊娜等到書展，為其新書《我和公關有個約會》做宣傳，鄭伊娜仲帶埋未婚夫潘敬祖(Felix)到場。同場的還有一位好耐無見佢，曾於TVB擔任主持工作。
他現身提及今年一月入院做咗個切除腦腫瘤手術，經過大半年時間休養之後，個樣精神咗好多，亦都肥番晒，家聰話：「經過30次電療，加開腦手術之後，o依家已經痊癒。之前一班朋友都好擔心，我o依家啲頭髮生番晒出嚟，之前做有線，因為病所以辭咗職，希望盡快搵到工作從新投人。」
他經常上載與女兒的溫馨生活照 (劉家聰IG圖片)
劉家聰曾在TVB主持兒童節目，與唐瑋琪、譚玉瑛熟稔。（資料圖片）
而已經過檔無綫嘅威仔笑話唔怕為家寶宣傳：「大家係好朋友，可能我哋會講前公司嘅恩怨呢?」家寶亦笑話：「唔怕，我哋同TVB都友好嘅！」家寶仲話好欣賞威仔，o依家入無綫劇組，又多主持工作同演出機會，仲搞曲奇生意。家寶更打蛇隨棍上，想接生意幫威仔宣傳曲奇：「唔知要唔要請公關呢?」威仔笑話可以用番以前亞視0.2%騷錢計畀家寶。
(apple daily)
