藝人陳松伶現身書展，自認喜歡實體書，現時床頭都必擺有書籍：「唔習慣睇電子書。（鍾意睇咩書？）天文地理、愛情等咩都睇，老公（張鐸）依家拍緊電影，成日都會同佢討論拍攝手法。」陳松伶更笑言人愈大，求知欲愈像小學生：「有好多嘢都唔識，好水皮，咩都想學多。（會上短期課程？）都願意，特別係管理課程，例如人緣，同埋時間最重要。」
此時，陳松伶不忘大讚老公是一個值得學習的對象，更大爆對方精力旺盛，令她要「嗌停」……
「佢有好多嘢都超乎我年齡想像，好老成、自學、勤奮，佢可以拍完12個鐘戲，都仲可以去跑2個鐘跑，我成日都叫佢唔好咁博，佢再瘦啲就顯得我好肥，但佢自理能力真係好好。」
（on.cc）
