她帶同3歲半兒子Damian今午出席活動，懷有5個半月身孕的她透露預產期為11月，選擇開刀生。今次會為兒子添個弟弟：「老公嗰邊鍾意仔，所以老公、奶奶等都好開心。（再追個女？）暫時唔會喇！」
藝人岑潔儀又指囝囝已知道弟弟的 存在：「佢成日走嚟錫我個肚，又發出聲響整蠱細佬。（呷醋？）未，我有做心理輔導。佢好叻，我未知有嗰陣佢指住我個肚話有BB，之前未驗到性別，又話畀我知係細佬。」
問到老公送甚麼獎勵？她答：「佢話到時咪知囉！上次佢送咗海外投資嘅嘢畀我，我叫佢今次唔好，想留多啲日後畀小朋友用。」她又透露有意與其他幾位圈中媽媽出書：「講吓啲懷孕，湊仔心得，但要等我生埋、坐完月先，預計農曆年前後啦！」
(on.cc)
