藝人胡杏兒及康子妮出席兒童教育中心開幕活動，透露兒子已九個半月，已有23磅，是大碼B：「佢食得瞓得又玩得，依家開始學爬，捉住學行，所以都諗住畀佢去學前班同小朋友玩。仔仔好鍾意讀書，唱歌，我讀書畀佢聽，佢就好乖，有次唱情歌畀佢聽，佢仲眼濕濕，好似好感動。」繼又表示仔仔雖然重磅，但一有時間會同老公爭住抱，說：「雖然抱一陣就攰，但大個想抱都無得抱。（追多個唔使爭？）努力中。（想生女？）我冇所謂，最重要健康。」
問到好友鄭嘉穎及陳凱琳將結婚，她開心說：「如果係，真係恭喜佢，佢都係時候結婚，而且女友又靚又好，希望佢快啲生番個女，之前同佢拍戲時，佢已經講過好鍾意女。」
(on.cc東網)
