現時長駐北京嘅葉璇，早幾日喺微博自爆收樓，有人送咗幢別墅畀佢，留言仲加埋兩個新郎同新娘Emoji，令唔少網民都估佢同男友小默先生就快結婚！(【三喜臨門】葉璇：感謝你給我温馨的家)
點知話口未完，佢今日又自爆收車喇！
佢上載咗兩張車內嘅相，仲話對方覺得佢每日坐地鐵返工太辛苦，仲將架車寫佢名！
不過呢個「有心人」並唔係男友，而係佢老闆，佢留言：「剛剛進公司的時候，就聽說老闆對員工非常慷慨，獎勵給公司的導演都是幾百萬元的車，心下還有點不敢相信。現在才知道原來是真的，驚喜得無言以對！實在不知道該如何報答老闆了，工作還沒做完，就嘉獎了一輛新車，而且是新到還沒上名錄只能掛臨牌的新法。老闆說我每天工作坐地鐵太辛苦，必須要配車買在我名下（其實我是愛坐地鐵，車扔在家不開[噓]）。唯（惟）有加倍努力工作，才能回報我們公司大帥哥老闆的恩情了！士為知己者，赴湯蹈火，在所不辭，吾其報知氏之讎矣！」網民都話佢命好，個個爭住送嘢畀佢！
其實葉璇之前已經收過鑽戒又晒過車匙，真係收禮物多過你食飯！
不過佢同男友感情反覆，甚少談及兩人感情，但依家成日咁「放閃」，就知好幸福啦！
(on.cc東網)
