李佳芯(Ail)喺舊年憑住《踩過界》，成功躋身一線花旦行列，最近佢喺《BB來了》飾演嘅新手媽媽，得到唔少網民嘅讚賞，形象更加入屋。
話晒Ail都已經到咗適婚年齡，而且同男友陳炳銓(Danny)感情穩定，今日就有周刊報道話，Ail拍完呢套劇之後，勾起咗結婚嘅念頭，所以近排四出睇樓，計劃明年結婚。報道仲話本來Ail一直都係工作狂，但自從舊年佢發現喺卵巢附近有個10cm嘅囊腫，而要入院做手術。
經過呢件事之後，Ail體會到健康真係好重要，亦開始為將來做打算，計劃拍完《殺手》之後休息，專心籌備人生大事，o依家佢哋先喺西貢同將軍澳一帶物色三房單位。外間一直覺得Ail同Danny呢段關係係女尊男卑，但事實上Danny除咗係ViuTV嘅藝人外，本身都參與唔少幕後嘅工作，好似喺O依家播緊嘅《Plan B》，Danny演出之餘，仲兼任製作經理同戲劇指導，而且佢喺舞台劇嘅經驗都好豐富，所以喺Ail睇中係潛力股！
Ail今日回覆傳媒話：「我不在港，只能答你不是，其實之前訪問都答過好多次了，不是。」
(蘋果日報)
