近排有喜事嘅港姐，除咗李美慧，仲有14年季軍、26歲嘅何艷娟，最近有報道指何艷娟已經排期同澳博營運總裁、66歲嘅吳志誠結婚。之前何艷娟去泰國旅行，只係得啲自拍相，未見吳志誠身影。
何艷娟 （資料圖片）
一登豪門嘅何艷娟，今日喺社交網貼咗兩張噚日馬季煞科嘅相，同樣未見到未婚夫吳志誠，不過就有大師姐、88年冠軍嘅李嘉欣，兩人同樣散發住貴氣，相信以後佢哋仲會喺各種活動見到面。
噚日馬季煞科，何艷娟入場，仲見到師姐李嘉欣。(ig圖片)
再望真啲，一副小女人嘅何艷娟輕輕露出條小蠻腰，睇嚟已經為婚禮準備好最佳狀態，做好準備。
遲咗一日先post相，未來佢仲有好多機會出席類似場合。
（apple daily）
