早前有傳佢力追同公司小師妹，今日佢就突然借世界盃冠軍戰法國對克羅地亞呢場波公開戀情！
佢於社交網話力撐克羅地亞，仲話克羅地亞輸波，佢會上載性感照找數，結果克羅地亞以2比4輸畀法國，Dominic亦講得出做得出，今日上載張半裸相仲不避嫌Tag對方名表示：「［找數］我呢一世都會好憎克羅地亞，okay你贏 @nataliefongg」除此之外，最後仲Hashtag「我輸咗俾（畀）我女朋友」！而相中嘅佢耳仔戴住朵花，但就怕醜用樹葉遮住重要部位！
何浩文（Dominic） （資料圖片）
曾與麥明詩拍劇合演情侶 （資料圖片）
何浩文同方敏婷留言互動！
佢留言：「法國贏了！！！！我贏啦！」Dominic就回覆：「你好嘢！！！我飲！！！😢」而之前Dominic都經常喺女友貼文留言「想念你」、「太靚女」、「哥哥不行鳥😈預備受死吧」，睇嚟已經呼之欲出，網友都相信Dominic所指嘅女朋友就係方敏婷！
撻着小師妹方敏婷！
（on.cc）
