藝人湯怡現身時裝活動，講到時裝，湯怡稱以往是跟家姐共用同一個衣櫃，現時已擁有自己的衣帽間：「我20歲出嚟工作，有能力買嘢，我好鍾意買衫，每個月花五位數，好瘋狂，而且依家網購好方便，出街又忍唔到手買。（夠唔夠位放？）勉強，但住得耐可能又唔夠位。（換大啲間屋？）我都想，要再努力。我以前同家姐同一間房，依家有自己間房係夢寐以求。（買咁多有冇畀人投訴？）媽咪囉，佢成日見我一袋二袋買返屋企，唔敢畀佢知，有時等媽咪瞓咗先敢攞啲衫出嚟執。」
提到男友洪卓立時她全程迴避，自認是購物狂的她，被問到男友有否投訴？她說：「唔講佢。（佢係咪都好瘋狂購物？）我唔知佢係唔係，唔知佢鍾意買乜。」言談間表現冷淡，問到兩人是否甩拖，她稱不想講感情事，問是否因為公司鬧？她否認：「唔係，想低調啲，講咁多年我都悶。（悶就結婚囉？）呢兩個字依家冇喺我腦入面出現過。我依家係事業行先，遲啲會開戲同開新劇。」
湯怡同洪卓立係公認甜蜜嘅一對，今日湯怡表現似乎令人聯想到分手？！
（on.cc）
