歌手吳雨霏（Kary）上月誕下囝囝Asher，之後就留喺屋企專心坐月兼照顧BB。
呢日佢更新社交網晒出囝囝嘅近照，相中雖然只係見到Asher嘅側面，但見佢耳仔細細，加上媽媽捉起佢嘅小手仔，真係非常可愛。
B仔好得意！
Kary仲透過社交網同咁多位粉絲大玩問答遊戲，有網友問佢咩係母愛，佢就搞笑咁話母愛就係每日都要早兩個鐘起身餵奶，雖然係咁，不過佢依然好享受做媽媽嘅感覺。至於問到有冇好掛住舞台上演出嘅感覺，佢就表示好掛住佢嘅音樂以及粉絲，仲話等緊上天畀佢一個好嘅時機，似乎有為產後復出作打算。佢仲話網友問咗好多好好嘅問題，並指要用餵哺母乳嘅時間逐一回答。
佢話母愛就係每日都要早兩個鐘起身餵奶～
(on.cc)
