選港姐出身，雖然三甲不入但備受無綫力捧，拍劇拍足幾十年嘅佢當年係花旦嚟添。網民都讚佢如果喺係呢個年代，佢一定係「仙氣女神」！
無綫熱播劇《BB來了》大受歡迎，主角李佳芯演技更獲大讚，但其實佢「阿媽」陳秀珠仲好戲，而佢個樣都冇咩點變，Keep得勁好！
皆因凌晨重播1999年套《刑事偵緝檔案IV》，都見到佢蹤影，佢飾演宣萱表姨，兩個角色已經隔咗廿年喇！
年屆59嘅佢選港姐出身，雖然三甲不入但備受無綫力捧，仲係《體育世界》第一代主持人！拍劇拍足幾十年嘅佢當年係花旦嚟添，依家就做綠葉，經常都飾演媽媽角色，潑辣又得溫柔又得，網民都讚佢如果喺係呢個年代，佢一定係「仙氣女神」！
雖然有人話臉有癦唔好，不過佢就冇脫到，粒銷魂癦仲係佢標誌添！
不過佢就未攞過任何獎項，網民都戥佢可惜，覺得佢係滄海遺「珠」呀！
(on.cc東網)
