原本今日出席一個腕錶發布會活動，奈何因為發生家居意外，故不能出席，並改由胡子彤擔任嘉賓！無綫劇《親親我好媽》的「大隻仔」接受訪問，他坦言現時正積極為8月底的健美比賽勤加操練，亦因為要控制食物、營養，故平時都親自煮食。但7月9日，亦都是他的生日，郭子豪就在家中炮製雞胸及蒸蛋，意外亦因而發生。
《親親我好媽》飯聚
最近參演《三個女人一個因》（資料圖片）
他憶述：「我買咗個鍋！下面烚雞、上面蒸蛋，每次都要煮成廿幾分鐘，當時成個電磁爐嘅玻璃面好熱，唔知點解我又倒瀉啲凍水上去，可能一熱一凍，嗰啲玻璃爆起上嚟，啲碎片彈到隻手同臉，都流咗好多血。」子豪坦言當時即刻入院診治，隻手縫了20針，臉部亦有兩、三處遭玻璃碎片彈到割傷，要於醫院留醫兩日，現時剛出院回家休息，但要吃止痛藥及抗生素。
隻手縫咗20針！
佢話冇彈入眼已經係不幸中之大幸！
問到會否毁容時，他謂：「好在臉上嘅傷唔係好深，冇彈入眼已經係不幸中之大幸。」問傷勢有否影響其他工作時，他說：「依家都係專心健身比賽嘅嘢，8月25日就比賽，時間都好緊逼，希望可以快啲好番，我都需要時間休息吓！」
（on.cc）
