【成屋男人覺得唔公平】周汶錡:做錯事要講Sorry

    名模周汶錡(Kathy)出席推動女性權益慈善活動,她表示作為女性,當然要支持女權,但講到家中有三位男性(老公與兩名兒子),問到覺得女人地位是否偏低?她就笑說:「成屋男人,唔公平㗎。(追多個女?)未諗,細仔啱啱先識行。」她又指兩個囝囝比較黐她:「反而同我Close啲,仲好嗲我,大仔又會呷醋,我抱細仔佢又要叫我抱,好多爭拗,好多噪音,老公喺度都會分擔吓,但其實我都好有媽咪Power。」

    Kathy自言對兩個囝囝也有嚴格一面:「要教,做錯事要講Sorry,尤其對姐姐(家傭)唔好,我會話姐姐都有Family(家庭),叫佢哋Say Sorry。(激親你?)係勞氣啲,佢哋精力旺盛啲,喺屋企係咁跑圈,跑到濕晒成身汗,媽咪係辛苦啲,可能男仔多啲精力,但我一瞪(眼)佢哋就會驚,佢哋有時扭計,我會話:『好收聲喇』。」

    講到大仔剛過了3歲生日,Kathy坦言從未為兒子揀幼稚園而煩惱:「揀咗間Local School(本地學校),佢試一間OK咗,咁就讀,我冇特別安排,都OK嘅,如果佢讀落覺得辛苦先算,到時先轉番國際學校。」

    日前,Kathy為大仔慶祝3歲生日。

     

     

    (on.cc)

    SHARE