余文樂去年娶台灣女星王棠云（Sarah） 後，今年5月榮升人父，Sarah為佢誕下得意B仔Cody。
樂仔久唔久都會將佢同老婆嘅恩愛合照放上網。（網上圖片）
而樂仔雖然一直冇公開囝囝正面相，但不時都會喺社交網上載親子照，有時係佢拖住Cody手仔嘅相，有時就係父子嘅剪影相。當然，佢同老婆都會不時公開放閃，上載唔少恩愛合照。
之前上載揸住囝囝手指嘅相。（網上圖片）
此外，樂仔向來都好孝順，對屋企上下都好照顧，同妹妹嘅感情亦非常好。今日樂仔就喺ig放咗一張屋企人嘅大合照，並留言：「簡單。開心」。
喺樂仔上載呢張相片出現嘅人，包括樂仔妹妹同囝囝，樂仔父母同老婆Sarah，五個人企喺陽光普照嘅街上影合照，着小短褲騷長腿嘅Sarah仲高舉V字手勢，似乎心情大靚，而樂仔媽咪就抱住大孫仔，笑得好開心。
樂仔無出現，唔知係咪佢負責做攝影師呢？（網上圖片）
唔少台灣網民都認出拍照地點在台灣，有人留言話「還在台灣」、「天呀，在我家巷口」，雖然樂仔沒份影合照，但據知樂仔有跟家人一起到台灣探望家人。
（apple daily）
