早前終於誕下麟兒，重7磅8安士，日前一家三口到影樓影合家福，她透露本計劃半身麻醉開刀，但由於太緊張，當醫生剖腹時感到痛楚，不停大叫，醫生只好建議她全身麻醉，老公本一直陪在產房，都只好在產房門外等候，她說：「老公喺外面等咗差唔多一個鐘，佢話好緊張，時間過得好漫長，以為我會死。」
黃倩婷全身麻醉開刀，成功誕下麟兒。
不過新手媽媽就指請咗個陪月好唔得。
名媛諸葛紫岐旗下藝人黃倩婷作為新手媽媽，她表示十分辛苦：「我同老公咩都唔識，雖然有請陪月，請咗兩個月，但個陪月好唔得，搞到冇覺好瞓，要成日睇住BB，驚佢照顧得唔好，所以之後換咗第二個，之後好好多，可以休息吓，但都好多謝第一個陪月，因為辛苦，令我瘦得好快，之前重咗30磅，生完一個月都唔到就已瘦番25磅。」她表示依家餵人奶，想BB更健康，又大讚老公好稱職，無論換片或餵奶都做得畀自己好，令她可安心休息。
因「禍」得福，佢唔夠一個月就瘦咗25磅。
(on.cc)
