懷孕七個多月的她出席好友王敏德（Michael）設計的手機活動，籮咁大個肚仲照坐直升機遨遊天空，問到是否可飛行，她說：「得呀，我有問過醫生，醫生話可以飛，同埋我覺得BB都好有冒險精神，佗佢時都做咗好多個高危嘅活動，去行山、滑雪、倒吊瑜伽，同埋今次Michael揸直升機，我好信得過佢，會好安全嘅。（BB有冇特別反應？）有呀！我諗佢好開心，佢有踢。（老公知唔知你坐直升機？）佢唔知，我冇時間同佢講，佢去咗俄羅斯睇世界盃，同佢爹哋一齊睇。」
剛與老公去峇里的名模Rosemary透露今次旅程很滿意，是最開心的一次，說：「今次真係好enjoy二人世界，唔知係咪因為有咗BB，老公好take care我，同埋我哋傾咗好多心事，又會傾吓將來、傾吓BB，而且佢好照顧我，我真係好開心。（知道BB性別？）未呀。」
（on.cc）
