藝人吳千語今年三月與林峯分手，正式結束五年情。
（資料圖片）
雖然佢分手後一直堅稱單身，但呢日就喺社交網分別上載咗一束鮮花、酒店房間同埋食物相。千語亦冇因為同林峯分手而降低生活水平，經常喺ig貼美食相，除咗有金箔魚翅外。
嘩，雖然同林峯甩拖，但千語BB仍生活富貴，有金箔金翅食。(ig圖片)
食飯期間仲有《分分鐘需要你》嘅歌詞﹕「願我會揸火箭，帶你到天空去，在太空中兩人住…….」真係冧到震呀！
仲有《分分鐘需要你》歌詞收，冧爆！(ig圖片)
吳千語晒收花相，係咪睇唔出佢Tag咗邊位呢？
喺酒店內。
仲食好西。
吳千語早前與富三代施伯雄傳出緋聞，佢就話同對方識咗好耐只係朋友關係，不過細心睇番佢嘅社交網束花張相，喺一個好隱蔽嘅地方有一個好細嘅字，原來係Tag住施伯雄個名，個情況就應該係想話畀人知束花係施伯雄送。
咪就係施伯雄囉！
但係又怕太高調，所以用咗呢個咁收收埋埋嘅手法去Tag對方個名，加上有消息指呢期佢哋都有開船P出海玩，從以上嘅迹象嚟睇，唔知吳千語係咪想公開戀情呢？
吳千語（資料圖片）
施伯雄 （資料圖片）
（on.cc）
