藝人鍾嘉欣2016年為脊醫老公Jeremy誕下女兒Kelly，而今年3月宣布再度有喜，現今已經佗B接近八個月，不過一直都未公開BB性別。
嘉欣剛剛更新社交網，晒出摸住巨肚嘅相，上面仲畫上代表男嬰嘅粉藍色心心，以及代表女嬰嘅粉紅色心心，然後用英文留言：「老公想將BB性別保持驚喜，但係我等唔切喇，要找出真相！男仔定女仔呢？」
文字間已感受到嘉欣嘅喜悅，見到唔少網友都紛紛留言估性別，齊齊送上祝福。
究竟係仔定女，嘉欣BB就冇明言，不過就畀咗唔少線索，就打了「-L-」同不斷打藍心心夾住一個心跳emoji，再hashtag #funfunfun、#lovelovelove、#staytuned同#ihaventtoldmyfamilyyet等，即係佢自己已知BB性別，種種線索，嘉欣好似暗示呢胎生仔。如果呢胎真係生仔，嘉欣就三年抱兩，湊夠一個「好」字，而好多網友都留言估佢生仔，而陳敏之、宋熙年等都和議話嘉欣BB係生仔喎。
(on.cc東網/蘋果日報)
