天后王菲同前夫李亞鵬所以生嘅囡囡李嫣，今年都已經12歲，但已經星味十足，日前佢就同老竇李亞鵬，喺北京出發到法國出席時裝騷，當時身穿藍色裙仔配濶邊帽嘅李嫣，抵達機場時已星味勁濃，好似預演Catwalk Show咁。
今日李嫣就同大陸藝人黃磊兩個囡黃憶慈（多多）、黃少艾，與及佟大為囡囡佟知霏及佟知玲，一齊為一童裝品牌行時裝騷。見到李嫣先後着上休閑Casual Look、斯文嘅長裙等，李嫣着住休閑Casual Look出場時，單手插袋，氣派十足，有時更會揈下頭髮，真係好有媽媽王菲嘅風範。
好多網民都大讚佢好型、好Cool同好有自信。
(蘋果日報)
