今日佢喺社交網貼出BB超聲波圖，然後留言：「喜歡吮手指的寶寶，喜歡拿手擋著額頭的寶寶！醫生說手腳偏長像爸爸，頭型大又圓像媽媽。。。」
30歲嘅李悅彤（Liddy），14年爆出跟導演彭順不倫之戀後「一夜成名」，家中又適逢巨變，人間蒸發近一年。如今Liddy已企番起身，忘掉過去，曾被爆戀上澳門已婚富二代鮑偉業（Ivan）。
上月20日，《蘋果》率先報道Liddy已婚兼懷孕，Liddy之後亦大方承認有喜，透露預產期喺11月，但就以老公係圈外人為由，不欲多談，但其實Liddy喺葵涌新開嘅家品店接受訪問當日，老公Ivan亦在舖打點。
今日Liddy喺社交網貼出BB超聲波圖，然後留言：「喜歡吮手指的寶寶，喜歡拿手擋著額頭的寶寶！醫生說手腳偏長像爸爸，頭型大又圓像媽媽。寶寶順利過完第三關了，期待4個月後見你。」
11月6日31歲生日嘅Liddy，仲留言話：「可能媽媽要過一個難忘的生日，因為寶寶比自己本來週數大一點。」預告BB有機會早產，同佢同月同日出生。
(蘋果日報)
