無綫劇集《宮心計2深宮計》的劇情愈來愈緊張！早前被「皇后」胡定欣害到慘變植物人的「甘若芊」黃心穎最終離世，「玲瓏公主」劉心悠、「任將軍」馬國明及「鄭昭儀」周秀娜都十分傷心，馬國明在水中耍劍發洩。
「甘若芊」係會死…poor心穎…
「玲瓏公主」劉心悠好傷心。
愛人離世，馬國明耍劍發洩。
另一邊廂，「太平公主」陳煒與馬浚偉同時知道蕭正楠是皇后的遺孤，陳煒就想拉蕭正楠埋堆，打算將馬浚偉廢除、助蕭正楠登帝位，不過蕭正楠未為所動，未幾馬浚偉亦約蕭正楠「講數」。
「太平公主」陳煒得知「何離」蕭正楠嘅皇室成員身份。
雖然蕭正楠表明心意，揚言不會爭皇位，不過馬浚偉仍不相信，更給予蕭正楠兩條路去揀，一係留在身邊繼續以君臣相稱，一係走！
而周秀娜就搵「皇上」馬浚偉「講數」，要他治始作俑者胡定欣的罪，可惜馬浚偉得知「何離」蕭正楠是皇后的遺孤，有機會影響他的帝位，如果這個時候治胡定欣罪，只會令他的皇位更加不保，所以要周秀娜息事寧人！
周秀娜搵「皇上」馬浚偉「講數」。
可惜馬浚偉唔幫佢之餘，仲要求周秀娜息事寧人。
此外，周秀娜失去腹中的皇兒以及好友心穎後大受打擊，眼見連馬浚偉亦不幫她，就決定借毒酒打算與定欣同歸於盡，假意要向定欣道歉的她，與定欣對飲。
周秀娜打算與「皇后」胡定欣飲毒酒同歸於盡。
不過最後只有她毒發身亡！原來定欣早知她的計劃，在飲酒時暗中倒走毒酒，變相只有周秀娜飲下而毒死！奸到盡的定欣更飲了一滴酒，令自己亦有中毒的迹象，搏取馬浚偉信任，令對方相信周秀娜是害人終害己！
可惜胡定欣原來冇飲下毒酒，最後只有周秀娜毒發身亡。
胡定欣勁奸！
劉心悠（中）與馬浚偉得知周秀娜毒死後好傷心。
（on.cc）
