藝人謝安琪同張繼聰嘅一對仔女，張瞻同張靖一向都好乖，哥哥仲好錫妹妹添！
（資料圖片）
最近阿聰喺網上上載一段張瞻教妹妹講數字嘅片，片中見到張瞻拎住本書好有耐性教妹妹讀英文數字one to ten，張靖就好努力咁跟住哥哥讀。
仲拎住本書教妹妹讀英文數字！
張靖勁投入，好可愛呀！
最後張瞻仲拍掌鼓勵佢一齊Yeah，真係好有愛呀！
成功之後拍晒手，Yeah！
難怪阿聰都留言大讚：「好老師，好學生。」
另外，張瞻亦都分享一段佢頂波嘅片，見佢擺咗個氣球，之後佢再頂個波向個氣球，球技了得，動靜皆宜，網民都話仔仔同囡囡都咁乖，阿聰同老婆謝安琪可以放心喇！
張瞻文又得，「武」又得，玩埋頂波！
犀利！
張繼聰同謝安琪一定好安慰！
(on.cc)
