琴日係香港特別行政區成立紀念日假期，亦係陳柏宇（Jason）同太太符曉薇（Leanne）結婚一周年紀念，舊年佢哋就好sweet咁咀住過，今年又會點呢？
Leanne的預產期是10月，依家佢個肚都應該有7個月，佢喺社交網貼相及留言話：「萬眾期待嘅日子，今日陳生終於放假，我哋終於可以拍下拖、行下街、食下飯，慶祝埋我哋第一個結婚週年同第七個拍拖週年，一齊咗七年一啲癢都無，仲每天愛佢多一些。」而Jason則話：「一加六周年紀念日。原來變咗個公眾假期㖭！我結婚周年原來係咁大件事嘅…」
Leanne晒同老公Jason慶祝結婚周年紀念嘅相。（符曉薇Instagram圖片）
符曉薇的孕照。
不過，原來喺佢哋慶祝之前，發生咗更大件事……
話說Leanne較早前喺社交網上載一段片，問大家覺得點解片中嘅Jason笑到喊。
佢話：「平時自己車用開自動繳費，但佢忘記咗呢部唔係自己車，過隧道唔俾錢直行直過，仲要連續兩次，我哋會唔會結婚週年俾人通緝㗎？」Leanne仲話Jason啲記性仲衰過大肚婆。有唔少網民都有答Leanne，話叫佢哋去補番俾錢就冇事，而Jason呢？佢轉貼老婆條片，仲話自己笑到肚痛。
幸好今次意外冇影響到陳氏夫婦慶祝嘅心情，兩個輪流貼出食晚餐嘅相，不過，記得快啲去番俾錢呀！
Leanne的預產期是10月，依家佢個肚都應該有7個月。
（apple daily）
