歌手梁漢文（Edmond）早前醉駕，被判罰160小時社會服務令兼停牌2年，並罰款1,500元，在其保釋金扣。如果再違犯就會重新再判或者坐監，梁漢文在庭上說：「明白，我願意！」
（資料圖片）
多個月後，竟又睇世界盃睇到撼穿頭爆缸！今年可謂認真坎坷！
身為足球發燒友嘅佢，趁世界盃熱潮相約朋友到卡啦OK打牙骹觀賞賽事，點知佢邊睇邊唱K期間，突然個頭撞落枱角，當場見紅仲要流血不止，要立刻入院接受治療。
在凌晨大約三時半，Edmond在社交網上載受傷照，唔少網友留言安慰同埋祝福佢早日康復，仲話佢本身都咁靚仔唔使去整容啦！
梁漢文詳細留言講述事發經過：「今屆世界盃都未試過出去睇場波，突然心血來潮打畀我兄弟問佢喺邊，佢咁啱喺卡拉OK，當時我的感覺直情係緣分到了，可以一齊睇波、點知意外就係意外，冇得解釋，竟然可以一邊唱住人哋想我唱嘅《一世一次戀愛》、個頭直接撞落枱角，流血不止，經過一大輪嘅討論，我決定聽朝做一個大手術，所以我之後會好靚仔，good nite，大家不用擔心。」
Edmond留言。
(on.cc)
