黃曉明係圈中出名孝順仔之一，今日曉明喺微博分享多張家庭照，為90歲婆婆慶祝生日，黃家上下，包括曉明父母、親戚、祖孫四代同堂，場面好溫馨。
90歲但係仲好精靈。
但就偏偏唔見老婆楊穎（Angelababy）現身，搞到好多網民狂問：「Baby去哪兒？」，甚至直罵無禮貌:「再忙，總感覺怪怪的，畢竟一家人又是公眾人物，從頭到尾沒見baby微博有過祝福。」仲有人話曉明同Baby好耐都冇喺微博互動晒恩愛，推斷佢哋感情有問題，疑似婚變。
大合照，但係唔見Baby同小海綿。
不過亦有網民為Baby護航：「出現了肯家有人說她為了私事不務正業…在黑粉眼裡她做甚麼也是錯的。」
現場氣氛一片喜慶，婆婆個樣好後生喎！一啲都唔似90歲，曉明仲為婆婆披上紅色絲巾。
曉明送咗條絲巾畀外婆。
親手幫外婆披上。
數一數張大合照，總共有拍合照，總共19人，人強馬壯，除咗唔見baby，連小海綿都唔喺相中出現。而曉明就喺微博留言祝婆婆生日快樂，永遠年輕開心，仲話婆婆外表唔似90歲，秘訣係鍾意「笑」，婆婆曾經同佢講：「我的爸爸告訴我，也就是你老姥爺說，一定要堅持行善，不求回報！」
好有愛。
而曉明就一直堅守住婆婆嘅教導，佢話：「我堅信我們的今天也是姥姥的善因留下來的果，會記住姥姥給我們留下的家訓，誠實、勤奮、寬容、守法，姥姥是我們一家人的驕傲。」
Baby究竟去咗邊呢？
(apple daily)
