現年34歲嘅鍾嘉欣喺2015年做咗幸福人妻，秘嫁比佢年長13年嘅脊醫老公Jeremy，生咗得意囡囡Kelly後，今年3月再宣布懷有第二胎，「處女黨」班姊妹都話要向佢取生仔經。
處女黨成員 （資料圖片）
懷有7個月身孕嘅嘉欣現正喺溫哥華專心養胎，日前讀者胡小姐直擊嘉欣喺溫哥華嘅生活實況。胡小姐透露喺上月底喺Richmond區見到嘉欣揸車湊囡囡放學，素顏戴住眼鏡嘅嘉欣穿上一條白色連身鬆身裙，大騷長腿。
鍾嘉欣懷有7個月身孕，但手腳仍纖瘦。(圖片由讀者提供)
雖然腹大便便，但一啲都唔錫身，一手抱住囡囡上車，盡現母愛。胡小姐話﹕「當日大約下午三點幾，佢一個人去接囡囡放學，見佢囡囡都好乖，冇扭計跟實媽咪。嘉欣亦係慈母型，成日接囡囡返學放學，有時就兩公婆一齊接送。」
嘉欣抱住囡囡上車。(圖片由讀者提供)
據聞嘉欣同老公為未夠兩歲嘅囡囡Kelly選讀當地一間私人開辦嘅幼稚園，由於係小班教學，每班只有6至7位小朋友，但就有三名老師照顧，所以學費都唔平，每月大約要1,600加幣，約9,600港元。由於加拿大人一向好少請工人姐姐，所以接囡囡返學放學，同做屋企家頭細務都係由嘉欣負責，真係做足賢內助本份。
嘉欣喜歡加拿大嘅休閒生活，有時間就同腹中BB及囡囡Kelly一齊去公園曬太陽。(ig圖片)
(apple daily)
