紅極一時嘅佢之前宣佈娶模特兒女友，不過二人已在2015年底離婚收場，近日佢宣佈同36歲女星認真交往，今年4月開始發展相差13年嘅情侶關係。。。
日本90年代紅星吉田榮作曾迷盡亞洲女觀眾，全盛時與加勢大周、織田裕二睇齊被封為「平成御三家」，呢位昔日萬人迷下年1月就踏入50歲，近日佢宣佈同36歲女星內山理名認真交往，今年4月開始發展相差13年嘅情侶關係。吉田榮作同內山理名去年9月合演TBS警匪劇《確證》一拍即合，隨後開始以朋友發展至情侶。
紅極一時嘅吉田榮作在1997年宣佈娶模特兒平子理沙，不過二人已在2015年底離婚收場，吉田榮作當時被指與平子各自搵食，平子理沙多次被爆背夫偷食，吉田榮作都唔輸蝕，離婚前數月亦被拍搭上年輕混血Model加賀美聖良大搞婚外情，年前又傳出同廿年前舊拍檔中山美穗再續前緣，感情生活多姿多彩。
(蘋果日報)
