拍得二人甜蜜拍拖鐵證，雖然未有親密舉動，但佢不時甜笑望住男友，幸福之情可謂盡在不言中。據透露，二人早已發展半同居關係。。。
日本組合AKB48舊將小嶋陽菜已經踏入30歲，早前佢被爆蜜運，秘戀年輕有為嘅26歲IT公司社長宮本拓，今日出版嘅《Friday》雜誌拍得二人甜蜜拍拖鐵證，雖然未有親密舉動，但陽菜不時甜笑望住男友，幸福之情可謂盡在不言中。
被指貌似男星福士蒼汰嘅宮本拓，廿歲出頭已事業有成，貴為DMM旗下公司「PicApp」社長，經私有化陽菜後，早前同遊美國加州，感情越來越穩定。
據透露，二人早已發展半同居關係，陽菜進駐男方月租180萬日圓（13萬港元）嘅豪華寓所，日前二人偕幾個朋友到澀谷食完鐵板燒後，繼而前往宮本拓屋企享受二人世界。
(蘋果日報)
