之前喺劇集《逆緣》演「爺爺」爆出嘅陳家樂，今個月中，佢喊住口話同拍拖近四嘅女友余香凝分手，更傳出女方疑一腳踏兩船，之後仲有人爆料話余香凝有劈腿前科，當時嘅第三者就係陳家樂。手已分，但陳家樂之前仍開腔撐舊愛，仲話︰「余香凝係一個好女仔。」
原來係陳家樂噚晚零晨時份喺Instagram爆seed，佢上載咗一張黑白自拍相，相中戴住眼鏡嘅佢只有半邊面，而牆上有好多張，佢同余香凝以前甜蜜嘅合照，佢仲留言︰「分手一個月了，我還是不敢清理我們的遺物，你的所有東西仍在，不是我懶，而是我不捨得，我不像你。」
睇佢咁寫，好似好唔捨得咁，但又暗指女方唔念舊情，點知佢post咗唔夠一分鐘就即刻刪咗。據知陳家樂原本想將個post上載喺私人account度，點知post咗去對外開放嘅carlosbb ig account，所以佢post咗唔夠十秒就刪咗啦！
問番陳家樂，佢透過經理人回覆表示︰「暫時沒有回應。」
(蘋果日報)
