37歲嘅黃宗澤(Bosco)自從同胡杏兒分手之後，感情生活依然備受關注，直到16年與日模Jun因拍攝健康食品廣告而撻着後，未見有緋聞纏身！
不過今日有周刊報道，Bosco因為拍網劇《守護神》與陳嘉桓火速撻著半年，女方更進駐Bosco位於火炭嘅豪宅，報道話佢哋喺布拉格拍戲嘅時候，已經見佢哋眉來眼去，又成日拎手機send短訊，拍完返嚟香港冇耐就撻著。報道又話佢哋為保形象，決定將戀情低調，而每次出入都好小心，日前陳嘉桓揸車去Bosco嘅蠔吧，兩人喺舖頭逗留個幾鐘，之後前後腳離開，Bosco先上黑色7人車，陳嘉桓就自己揸車，最終返咗去火炭嘅豪宅！
對此，Bosco接受東網訪問，否認跟對方拍拖，他笑言：「屋企裝修完開Party啫！呢排好多唔同嘅朋友嚟我屋企食飯，公司啲朋友、自己嘅朋友同《守護神》劇組啲朋友。（有冇發展機會？）發咩展呀？（你鍾意長腳嘛！）長腳還長腳，鍾意還鍾意！」
(on.cc東網/蘋果日報)
