懷孕逾三個月的李美慧與富商曾文豪結婚差不多一個月，幸福滿瀉！
她今天回覆傳媒說：「唔理係咪健全、健康，我都要。而且一生一世到老。我會畀佢哋陪住我肚裏嘅BB一齊成長，見證BB出生。」
逸園賽狗股份有限公司需於下月21日前遷離狗場，約600隻格力犬去向未明。之前逸園賽狗股份有限公司執行董事梁安琪曾豪語謂將飼養所有沒人帶走的格力犬：「我梁安琪全部要。我養得起幾百隻狗！」但昨日梁安琪接受澳門傳媒訪問時卻改稱：「有地方咪養囉！佢哋係生命嚟0架，如果我冇地方，點養呢？」
問及狗場遷離尚餘不足一個月時間，狗狗需要的，是一個家。香港人也可以領養，但需要注意檢疫程序。
愛狗之人、之前一直在狗場做義工的李美慧，亦有留意相關報道，並於IG轉貼呼籲港人領養圖，寫道；「香港人可以領養了，我都想養多隻狗，要問問老公先，大家快快廣傳，救得一隻得一隻。」
今午接受電話訪問，談到領養賽狗一事，她說：「未知，因為要諗清楚點樣照顧狗狗，啱啱呢段時間有咗BB，我屋企已有一貓一狗，都係領養，狗狗係警犬史賓格。所以如果將格力犬放喺新屋，到時要照顧剛出生嘅BB，又要照顧格力犬。不過我依然會考慮，因為救得一隻得一隻，同埋會叫身邊的朋友一齊領養。」
懷孕逾三個月李美慧續道：「我領養所有動物，都係唔會理會佢哋係咪健全、健康，我都要。而且一生一世到老。好多人喺懷孕時都會拋棄自己嘅貓狗，但我唔會。呢個係無稽之談（指孕婦不宜接觸動物），我會畀佢哋陪住我肚裏嘅BB一齊成長，見證BB出生。」
其實李美慧做曾文豪太太之前，已成日到狗場做義工，她稱：「我平時做貓狗義工，去一些非牟利團體去幫手，再污糟都見過，幫手沖涼剪毛，打掃衛生，做得好開心！」
（on.cc）
