藝人羅霖一身年輕打扮到尖沙咀出席活動。受訪時她指自己都有興趣投資車位，大呻喺香港買樓好貴，即使日做夜做都買唔到：「車位都係一個好嘅投資方法，尤其係做藝人收入唔穩定，對我嚟講都係買磚頭穩陣啲，本身喺2年前都儲到首期，但都畀咗仔仔去美國讀書。」
羅霖表示做生意比買樓更大風險，更以自己做例子，透露正入稟法院追討代言費及股份：「喺年幾之前同一位拍檔合作髮型產品，但可能生意有管理問題，後期有半年都收唔到代言酬金同股份，已經叫咗律師追討半年都未追討到，做生意真係有好多法律嘅灰色地帶，從正常途徑追討都未必得。（涉及幾多位數字？）都接近七位數字。」
三個兒子 （資料圖片）
她無奈指今次就好似之前辦離婚一樣，搵咗律師都得唔到咩結果：「真係變咗白做，希望佢良心發現畀番我，我仲要養3個仔，真係唔容易。」仲有同拍檔聯絡？羅霖表示沒有，又指拍檔唔覆機之餘，仲避開自己。
(on.cc)
