藝人陳庭欣（Toby）今日出席公開活動，講到之前東網影到佢買咗架五十萬嘅新車，佢就謙稱冇咁貴，係同屋企人諗過度過先買。問Toby係咪一次過畀全額？佢就冇正面回答：「交畀屋企人搞，我只係出錢。我上一部車太舊，入行時就已經用，性能有啲問題，之前拍劇啲同事都好擔心我，提我要換車，可能怕我撞到佢哋嘅車啦，哈哈！（男友有冇擔心你叫你換車？）冇喎，不過今次換車都有問佢意思。」
冇同任何人呻
問到佢識咗個有錢男友Benny，依家又換新車，會唔會好敏感？Toby表示啲人偏偏要咁諗就自然敏感，但佢指換車是係正常事，用嚟代步，適當時候做適當嘅嘢，但有時都會因為報道而覺得煩。問佢有冇同男友呻？Toby就話自己好正面，冇同任何人呻。
(on.cc東網)
