曾經歷閃婚及離婚，之後覓得第二春過住甜蜜同居生活，雖然拍拖多年但敵不過七年之癢，最後都係分手收場，有指佢近日工作以外幾乎足不出戶。。。
日本女星澤尻英龍華月前傳出與拍拖七年嘅設計師男友分手收場，報道指澤尻近日工作以外幾乎足不出戶，留喺屋企玩貓咪治情傷。
據雜誌《女性自身》報道指，澤尻甩拖後確受打擊，近日見佢亦心情麻麻，除工作以外幾乎唔會出街。屬愛狗之人嘅澤尻，飼養過兩隻芝娃娃，早前佢拍攝電影《貓咪是要抱著的》後，同片中嘅俄羅斯藍貓拍出感情，決定領回家飼養，現時佢亦靠玩貓咪治情傷。
(蘋果日報)
