【由細靚到大!】大家估唔估到係邊個?

    《深宮計》大陸嘅收視,就快要破20億!

    相信唔使幾耐,就會有「電視界成龍」同大家講,依家香港劇集已不合時宜喇,中國劇集才是王道!好出奇嗎?其實真係唔奇……講番套劇。之前眾主角包括馬浚偉、胡定欣、劉心悠等都承諾如收視破紀錄,就會貼裸照呀絲襪照……後者係特別為廣東話唔鹹唔淡嘅劉心悠而設。

    噚日輪到太平公主找數,佢貼咗一系列共六張「太平公主成長記」嘅珍貴童年相。其實早幾日煒哥都貼過一張童年相,caption係:一個甩牙肥妹同大家say good night。」相中煒哥年約6、7歲,門牙甩咗,叉住腰擺出S形甫士,有啲肉地咁,依家呢六張,比較完整咁睇到煒哥由甩牙肥妹到少女時代嘅轉變,特別係一頭招牌長髮,更勝做沐浴巨星。

    不能錯過嘅係煒哥嘅男同學……嗰陣應該係九十年代左右啦,學校郊野旅行咁上下,煒哥個pose仲十足十大家姐咁,同依家嘅太平公主一樣咁有台型,只係唔知道踎喺前面兩位男同學依家又變成點呢?

    (蘋果日報)

     

    SHARE