張敬軒日前的演唱會，除了不少歌星好友做表演嘉賓，還唱了《預言書》悼念癌病離世的歌迷Toby，感觸落淚，透露當時合作錄歌，他要打嗎琲，而軒仔完成對方夢想，將他的歌帶上紅館。
（相關新聞：https://goo.gl/FtNA3A）
Toby哥哥當晚去完紅館睇軒仔演唱會，凌晨在facebook撰文謝謝軒仔：「見偶像，係一個小歌迷嘅好想做嘅事，同偶像合唱，可能已經係小歌迷嘅願望，同偶像一齊係紅館合唱，一定已經係你 @tobey.m___ 呢個小歌迷同小歌手嘅終極目標。」Toby哥哥更透露今次第二次睇軒仔演唱會，上一次就是陪Toby過澳門睇。
Toby是軒仔嘅忠實fans。
最後，Toby哥哥就留言謝軒仔，更表示這個演唱會是他人生最難忘的演唱會：「好多謝皇上一直以來對我細佬嘅照顧，由佢病緊，你好忙都成日抽時間黎睇佢，去醫院接佢去你studio玩，佢當時每次講起你都會好興奮；直到佢臨走嘅嗰刻，你應承佢你會帶佢上紅館，我知道佢當時有聽到，雖然佢已經無氣力再回答你，但佢有一直點頭。」
「好多謝你為佢做嘅所有嘢，你真係講得出做得到。我從來冇諗過有人可以咁無私為一個朋友去做咁多嘢，話你係天使嘅化身都完全冇誇大，感恩，感謝。」
Toby兄長全文：
「見偶像，係一個小歌迷嘅好想做嘅事
同偶像合唱，可能已經係小歌迷嘅願望
同偶像一齊係紅館合唱，一定已經係你 @tobey.m___ 呢個小歌迷同小歌手嘅終極目標
Proud of you my bro
達成目標嘅感覺非常美好，我明白呢個感受，我以前都有試過達到一啲以為遙不可及嘅目標，所以我相信你係呢個演唱會每一晚都好開心，我亦都為你感到高興。
今日係我第二次睇張敬軒演唱會，對上一次就係陪你走去澳門睇然後要趕翻香港第二朝翻工，我仲話下次唔好搞我，太辛苦，但仲有機會嘅話我都好想你可以繼續逼我陪你去睇更多嘅演唱會。好多謝皇上一直以來對我細佬嘅照顧，由佢病緊，你好忙都成日抽時間黎睇佢，去醫院接佢去你studio玩，佢當時每次講起你都會好興奮；直到佢臨走嘅嗰刻你應承佢你會帶佢上紅館，我知道佢當時有聽到，雖然佢已經無氣力再回答你，但佢有一直點頭。
好多謝你為佢做嘅所有嘢，你真係講得出做得到
我從來無諗過有人可以咁無私為一個朋友去做咁多嘢，話你係天使嘅化身都完全無誇大，感恩，感謝hinsideout2018會係我一生最難忘嘅演唱會，沒有之一。」
