被捕獲喺銅鑼灣蜜遊，一杯雪糕兩份食超甜蜜！問到女兒有否見過Him？她說：「佢有見過一次，佢做gym做咗十二年，對健康同營養補充品好有研究。。。」
前中國小姐趙哲妤（Uny）在2016年未婚誕下囡囡小魚後，一直對女兒的生父身份保密，並因母兼父職，常往返中港兩地吸金搵奶粉錢，尤其小魚因耳患問題，更要落力非常「跑數」以應付醫療費，早前東網更拍得她當街捱麵包，慳得就慳！不過近日Uny就算捱麵包都不怕，因為有情飲水飽！
日前拍得Uny跟一名貌似鄭嘉穎、身形高大健碩的男士在銅鑼灣蜜遊，兩人先到書局「打書釘」並專攻兒童心理的書籍，期間Uny多次「分心」，因不時常跟「粗獷嘉穎」依偎在一起外，男方不時輕搭Uny膊頭及咬耳仔，而Uny亦顯得非常受落。「粗獷嘉穎」全程非常有耐性的陪睇書，又主動揀選有關書籍向Uny建議，明顯愛屋及烏，對小魚也非常關愛！
之後「粗獷嘉穎」拉着Uny急急腳排隊買雪糕食，並一杯雪糕兩份食以「降火」，毫不避嫌你一啖我一啖，跟熱戀中的情侶無異！
原本兩人表現尚算「克制」，但當搭電梯時，「粗獷嘉穎」即按捺不住，情不自禁的親吻Uny！已為人母的Uny，面對突如其來的獻吻，立即面紅及害羞甜笑，猶如初戀般，少女味番晒嚟！
被指有夫妻相
據知「粗獷嘉穎」名叫Him Wong，年近四十，是一名模特兒，曾拍過不少品牌廣告，同時有參與家族食品生意，因其家族是凍肉乾貨海味供應商。
睇番佢哋兩個嘅fb，喺5月開始，見佢哋不時喺fb晒頭貼頭嘅親密合照，唔知會唔會好快又有新消息傳出呢？
Uny回覆東網稱和Him非常匹配，她說：「我們處於了解中嘅階段，佢話四、五年前就喜歡我，當時喺首映認識，但當時我有男朋友，所以冇同佢交流太多。我都覺得我哋外形好匹配，好多朋友話我哋有夫妻相，講講吓覺得都好有發展空間。」
問到女兒有否見過Him？她說：「佢有見過一次，佢做gym做咗十二年，對健康同營養補充品好有研究，送咗啲DHA魚油畀小魚，話小朋友大腦發展好重要。」
(on.cc東網)
