「連阿爸都問我係咪真係有咗，咁我嗰時都同佢講大話，真係唔好意思，估唔到老公咁緊張，話屋企人都唔好講，過咗三個月先通知佢哋，所以之前連屋企人都呃住先！」
吳日言(Yan)16年就同拍拖17年嘅男友Barry喺沖繩結婚，今年1月先喺香港補擺喜酒，婚後Yan就不時傳出佢懷孕嘅消息，但Yan就話有消息就會公佈，今日終於有好消息公佈喇，佢喺社交網貼圖，正式宣佈懷孕。
Yan喺社交網貼圖後留言：「我們榮升為準爸爸媽媽。經歷了一輪忐忑、情緒起伏，現在心情尚算輕鬆了，不過我偶爾會忟忟憎憎，希望唔好生舊忟薑啦，所以要辛苦枕邊人氹我笑多啲。」
而Yan回覆《蘋果》時就話：「終於可以講得喇！做咗幾次產檢覺得好安全 可以公佈喇！因為之前漏咗口風，連屋企人都未知，出咗報紙連屋企人都嚟問自己，咁都唔知點答，好唔好意思，連阿爸都問，話朋友比報紙佢睇，問我係咪真係有咗，咁我嗰時都同佢講大話，真係唔好意思，估唔到老公咁緊張，話屋企人都唔好講，過咗三個月先通知佢哋，所以之前連屋企人都呃住先！」
(蘋果日報)
