視后胡定欣與李施嬅於無綫節目《美女廚房》晒廚藝，還請來了二人老友陳山聰任評判！眼見定欣下廚時非常論盡，除了於炸魚時淺出滾油，沒料製成品也搞到半生熟。
山聰嚇得不敢恭維，他接受訪問時還玩踢爆，指定欣廚藝欠佳：「大家睇電視都有目共賭嘅！基本上佢去邊買餸，牛扒點煎都會擺上網問我哋，佢全年除咗返媽咪度，其餘湯水同住家飯都係由我哋『將軍澳福利會』提供畀佢，佢係會專登揸車過嚟拎，所以我好希望佢可以搵到一個好歸宿囉！」
而炮製出「鐵線意粉」的施嬅，山聰透露二人剛合作完無綫劇集《金宵大廈》，笑指對方於拍攝期間的飯餐全數外賣，更謂：「連湯都係外賣，有時係靠我帶返廠畀佢飲，其實施嬅喺節目度調味唔差，鬼妹仔煮西式龍蝦都OK嘅，都收貨啦！」
(on.cc)
